Pulis nasawi sa 3 araw straight duty sa eleksyon

NASAWI ang isang pulis matapos mag-duty ng tatlong sunod na araw noong linggo ng halalan.

Ang binawian ng buhay ay si SPO3 Manuel Escalona, 42 anyos, miyembro ng Special Weapon and Tactics (SWAT) Team ng Muntinlupa City Police.

Namatay si Escalona noong May 10 dahil sa atake sa puso habang nagmamaneho ng kanyang sasakyan sa kahabaan ng Daanghari Road, Imus, Ca-vite.

Ayon sa duktor, pumutok ang ugat sa puso ni Escalona matapos ang tatlong araw na straight duty sa kasagsagan ng halalan.

Nakiramay sa kanyang pagyao si Muntinlupa City Mayor-elect Ruffy Biazon.