Julie Anne game nang sumabak sa mature roles?

Ni ROMMEL GONZALES

PANIBAGONG karakter na naman ang bibigyang-buhay ni Asia’s Pop Diva Julie Anne San Jose sa kanyang upcoming Kapuso series na ‘Heartful Cafe’ na mapapanood na simula April 26.

Gagampanan ni Julie ang hopeless romantic at online romance novelist na si Heart Fulgencio. Pagmamay-ari ni Heart ang coffee shop na ‘The Heartful Cafe’ na makikilala niya ang co-investor na si Ace Nobleza (David Licauco).

Dahil sa ilang scenes nila sa series ni David na naka-topless ang aktor, handa na nga bang sumabak si Julie sa more mature roles sa mga susunod na project?

Pagkukuwento ng aktres, “For me kasi, iba ang definition ng mature roles, e. ‘Yung mature roles for me, ‘yung mas may lalim na characters and open naman ako to do it. But, I don’t know kung we’re on the same page when it comes to daring and pa-sexy roles.”

Dagdag pa ni Julie, “Every role ay kailangan talagang paghandaan. It’s always part of the process. Passionate lang talaga ako about everything I do and I make sure I commit to it 100%. I love singing and I also love acting. It makes me feel like a different person whenever I’m given different roles.”

Abangan ang nakakakilig na love story nina Heart at Ace sa world premiere ng Heartful Cafe kahapon, Lunes (April 26), pagkatapos ng First Yaya, sa GMA-7 at GMA Heart of Asia. Mapapanood din ito abroad sa GMA Pinoy TV.

***

Anthony Rosaldo at Hannah Precillas, good vibes sa Heart of Asia summer station ID

May hatid na mensahe ng pag-asa at saya ang Heart of Asia channel ng GMA Network para sa Kapuso viewers ngayong panahon ng tag-init!

Sa official summer station ID nito na may pamagat na “Heart of Summer,” hatid ng Kapuso performers na sina Anthony Rosaldo at Hannah Precillas ang good vibes sa nakatutuwang awitin na siguradong magugustuhan ng listeners.

Kuwento ni Anthony, “Gusto kong maiparating sa mga Kapuso that we still have tons of ways to enjoy summer given the situation we are in. One way is watching Kapuso shows na malapit sa puso natin katulad ng mga kinahihiligan nating K-Dramas sa Heart Of Asia. At lahat ng mga programang ‘yan, we can enjoy right at the comfort of our home. Hindi lang tayo mae-entertain, sigurado pang safe ang family natin.”

Dagdag naman ni Hannah, “This summer may be different from our past ones, some of our plans and old habits could be put on hold, but we should still be thankful that we are all healthy and be able to survive up to this point.”