Kim nagtapat, bopol sa Ingles; Andrea pinayuhan ‘wag na patulan ang madaldal na ex-dyowang si Derek

Ni GERRY OCAMPO

IPINOST  ni Andrea Torres  sa Instagram  kamakailan ang kanyang kasariwaan  bilang paghahanda  sa kanyang 31st  birthday.

Masisilayan ang fresh naporma ni Andrea na naka-off  shoulder  dress  at  nakahawi  ang  buhok sa mukha.

May konting pasilip din ito ng cleavage ng dibdib.

“ Chapter 5 of  12.  Birth month,” caption ni Andrea na nagdiwang ng kaarawan nung May 4.

Ang post ni Andrea ay nakakuha ng 64K plus likes at lumobo na sa  1.2 million  ang kanyang followers sa IG.

Sa post din ni Andrea ay maraming netizen ang nag-comment ng positive at  sinabihan din siya na huwag nang pansinin ang madaldal na ex-boyfriend na si Derek Ramsay.

“ Keep  calm  and  karma  will  finish  it,”  nasabi na lang ni Andrea.

Mapapanood na si Andrea sa bagong serye na Legal Wives with Dennis Trillo, Alice Dixson at Bianca Umali .

***

SA  segment ng Tawag ng Tanghalan ng  It`s Showtime last  Saturday ay napag-usapan  ng mga host ang kanilang mga insecurities at imperfections  sa katawan.

Tinanong ni Vice Ganda si Kim Chiu kung ano ang insecurity niya? Inamin ng tsinitang TV host/actress na isa sa insecurity niya ay hindi  siya  fluent  sa English.

“Ako? Nahihiya ako, hindi ko kayang makipag-usap sa mga fluent in English,”  pag-amin ni Kim.

Ikinagulat ito ni Vice  at  sinabi na, “Ha???  Daldal-daldal  mo rito,  hindi  mo  nga  maintindihan  kung kelan  ka hihinto.”

“ Hindi  English dito. Tagalog dito, `Ma, eh.” katuwiran ni Kim.

Say naman ni Vice, “magaling  kang  mag-English.”

Na sinagot  naman  ulit  ni  Kim na, “pag tinapat mo na ako  sa totoong  English-speaking, medyo ano na tayo diyan…ah, thank you, talk to  you  later,” na sinabayan ng tawa ni Kim.

Pero pagtatanggol naman ni Vice Ganda,  kahit naman mga Amerikano ay hindi  rin perfect  mag-English at dedma  naman daw ang mga ito kahit  mali-mali  ang Ingles mo. Ang kapwa mo pa raw Pilipino ang siyang magkokorek sa ‘yo.

Oo nga naman kung sino pa ang kababayan mo, ang siya pang maldita kung umasta.

***

SA kanyang pa-Q&A ni Kris Bernal sa Instagram ay sinagot ng actress ang nagdududa  na nagparetoke siya ng ilong.

Isang netizen kasi ang nagtanong  kung retokado raw ba ang kanyang ilong?

“A  lot  of  people think  I  had  a  nose  job but  I was born with  a matangos  na ilong,” sagot ni Kris.

Dahil dito ay ibinahagi ni Kris ang old photo niya noong 12 years old  pa  at  makikita nga na matangos talaga ang kanyang ilong.

Sinagot din ni Kris ang  nagtanong kung idol raw ba niya si Heart Evangelista kaya nangongolekta rin siya ng Hermes bags.

“True,  I  am  a  big  fan of Heart !  Being famous, rich and humble  are different  jobs  and  not  every  person can do  it  simultaneously  but  she can.

“ She`s  one  of   most  humble and  loveable people  off  camera. And she  reflects  extreme  gratitude for  the people  around  her  whatever  your  status  in life  is,”  aniya.

Tungkol naman sa pangongolekta ng Hermes bags. Aniya, “false  that  I`m  collecting Hermes  bags  because  of  her. I just  love Hermes too. And  mine  is not  event  a collection.”

Sinagot din ni Kris ang tanong kung church wedding  ba ang magaganap sa kanila ng fiance na si Perry Choi.

“Definitely,” ang sagot niya.

Sa ngayon ay pinaghahandaan na nila ang kanilang kasal na mangyayari  this year.