Takbo na Leni! Women’s group kukumbinsihin si VP Leni para presidente

ILULUNSAD ang isang grupo ng mga kababaihan para kumbinsihin si Vice President Leni Robredo na tumakbo bilang Pangulo sa 2022 elections.

Nabatid na ang naturang grupo ay tatawaging “Women for Leni” na nakatakdang magpulong sa “Kababaihan, Magkaisa Virtual Meeting” sa Sabado, Hulyo 24.

Ang grupo ay bubuuin umano ng mga kababaihan mula sa iba’t ibang multi-sectoral organizations.

Sinabi ni Bans Alqaseer, tagapagsalita ng grupo, makikisa ang mga kababaihang ito dahil sa iisang paniniwala na si Robredo ang karapat-dapat na maging pinuno na tunay na nakakaunawa at may adbokasiya para sa karapatan ng mga kababaihan.