Buking ng CoA…DICT BUMILI NG P170-M GADGETS SA CONSTRUCTION FIRM!

ISINIWALAT ng Commission on Audit na gumastos ang Department of Information and Communications Technology (DICT) ng P170-milyong gadgets na binili mula sa isang construction firm.

Ayon sa COA, ang pagbili ay labas sa mandato ng DICT.

Batay pa sa ulat ng COA na inilabas nitong Biyernes, Agosto 13, bumili ang DICT ng 1,000 laptops, 26,500 tablets, at 1,001 pocket wifi dongles mula sa isang firm na ayon sa Bureau of Internal Revenue (BIR) ay may kaugnayan sa “general construction.”

Napag-alaman ng COA ang supplier, ang Lex-Mar General Merchandise and Contractor, na nakalista ang kasalukuyang assets sa P44,578,450 lamang as of December 2019, nangangahulugang ang kontratang nilapag nito ay halos apat na beses ang halaga ng sa supplier.

Ipinunto rin ng COA na ang pag-purchase at distribusyon ng mga gadget ay wala sa mandato ng DICT, na ang tungkulin lamang ay “formulating and implementing policies and initiatives.”

“While we sympathize with the plight of learners and teachers in this time of distance learning or online classes, a donation of government property, such as in this case, may be considered as illegal expenditure,” ayon sa COA.

Inihayag pa ng COA na ang procurement ay isinagawa sa tatlong magkakahiwalay na kontrata na sumailalim sa “negotiated procurement – emergency cases.”

Nangangahulugan na ang mga na-purchase o binili ay hindi dumaan competitive public bidding.

Napag-alaman sa records na ang mga laptop ay ipinamahagi sa mga public school teachers sa San Juan City. Habang ang mga tablet ay napunta sa Makati at San Juan students.

Sinabi ng COA ang unang purchase ay para sa P50.773 million kabilang ang 1,000 laptops (P40,600 each), 1,500 tablets (P4,780 each), at 1,001 pocket wifi dongles (P3,000 each).

Kinilala ng DICT identified ang mga beneficiaries bilang “learners and teachers from Pinaglabanan Elementary School, San Juan City.”

Ang ikalawa at ikatlong purchase kabilang ang 6,250 tablets (P4,780 each), o nagkakahalaga ng P29.875 million at 18,750 tablets (P4,780 each) na nagkakahala ng P89.625 million. Ang mga ito ay napunta sa “City Governments of San Juan and Makati.”

Wala namang paliwanag kung bakit ang mga lungsod na ito ang naging beneficiaries ng mga biniling gadgets.

Ang DICT ay kasalukuyang pinamumunuan ng dating Senador Gringo Honasan.