Fully-vaccinated adults pwede nang tumanggap ng COVID-19 booster shots simula Dis. 3

SINABI ng Department of Health (DOH) na simula bukas, Biyernes, Disyembre 3, ay sisimulan na ng pamahalaan ang pag-administer ng COVID-19 booster shots sa lahat ng fully vaccinated adults.

“Those who have completed their primary series of COVID-19 vaccines can be inoculated with the following brands regardless of which vaccines taken in the first two doses,” anang DOH sa isang paskil sa kanilang Facebook page.

Nabatid na ang mga brand ng bakuna na maaaring ipaturok ng mga adults para sa kanilang booster shots ay ang Sinovac, AstraZeneca, Pfizer, Moderna, Sputnik, at Janssen.

Anang DOH, maglalabas ang National Vaccination Operations Center (NVOC) ng operational guidelines hinggil sa implementasyon nito.

Sa kasalukuyan, ang pamahalaan ay nagtuturok na ng boosters para sa indibidwal na sakop ng A1 category (frontline healthcare workers), A2 (senior citizens) at A3 (adults with comorbidities). (Andi Garcia)