4 mangingisda lasog sa dinamita

Patay ang apat katao nang masabugan ng dinamitang kanilang ginagawa para sa pangingisda sa Claveria, Masbate nitong Huwebes.

Kinilala ang mga nasawi na sina Ryan Manapao, 30; Eddie Maloloy-on Jr., 20; Jonathan Lape, 41; at Roque Mar Guazon, 19 anyos.

Ang apat na biktima pawang mga mangingisda.

Ayon sa ulat, gumagawa ang apat ng dinamita sa bahay ni Maloloy-on sa Barangay Buyo nang sumabog ang isa sa mga ito 2:30 ng hapon.

Sa tindi ng pagsabog, agad na binawian ng buhay ang apat na biktima.

Batay sa pulisya, laganap sa Masbate ang paggawa ng dinamita para sa pangingisda.