4-anyos ginulpi at binidyuhan pa ni Daddy

KINUNAN pa ng video ng isang ama ang paulit-ulit na pananakit sa kanyang 4-anyos na anak sa Minalabac, Camarines Sur.

Makikita sa video na ilang beses sinaktan at sinakal ng ama ang bata.

Napag-alaman na ang video ay kuha mismo ng ama at ang dahilan niya ay upang mapauwi umano ang kanyang misis na nagtatrabaho sa Maynila.

Ayon sa ama, hindi niya sinasadayang saktan ang kanyang anak.

Nagpasya naman umano ang misis na hindi na magsasampa ng kaso laban sa asawa.

Pero ayon sa Women and Children Protection Desk ng pulisya, maaari paring makasuhan ang ama kung mapatunayang may pang-aabuso na nangyari.

Nasa kustodiya ng mga pulis ang ama at ang tatlong anak niya.