Kuya, tinadtad ng saksak ni utol

Arestado ang 46 anyos na lalaki nang salakayin at patayin ang kanyang kuya noong hapon ng Disyembre 6, 2022 sa Ivisan, Capiz.

Kinilala ang biktima na si Tomas Bacaro, 61 anyos; habang ang salarin na si Dioscoro Bacaro.

Sa ulat, naganap ang insidente sa Barangay Malocloc Norte, Ivisan.

Dinala ng mga miyembro ng Ivisan Municipal Disaster Risk Reduction and Management Office (MDRRMO) ang biktima sa pinakamalapit na ospital nguni’t binawian na ito ng buhay.

Sinabi ni Kapitan Greg Anthony Salbang, hepe ng Ivisan police, na binawian ng buhay ang biktima dahil sa tama sa kanyang leeg.

Nabatid sa imbestigasyon na matagal nang nag-aaway ang magkapatid na Bacaro.