Higit P1m shabu isinilid sa antique phone

Aabot sa P1.743 milyong halaga ng shabu ang nasabat ng Bureau of Customs (BOC)-Port of Ninoy Aquino International Airport (NAIA), Philippine Drug Enforcement Agency (PDEA), at NAIA Inter-Agency Drug Interdiction Task Group (NAIA-IADITG) sa DHL Warehouse, Pasay City.

Inaresto rin ng composite team ang claimant sa controlled deliver very operations noong Feb. 6 sa Makati City.

Idineklarang antique french phone ang parcel na dumating sa Port of NAIA mula France noong January 30.

Sa pagsusuri, napag-alamang naglalaman ng 255 gramo ng shabu na kinumpirma naman ng PDEA.

Nagsasagawa ngayon ng Custodial Investigation ang PDEA sa claimant para sa inquest sa paglabag sa Anti-Illegal Drugs Act at Customs Modernization Act.(Jocelyn Domenden)