PBBM, FL DUMATING NA SA VIETNAM

DUMATING na sa Vietnam si Pangulong Ferdinand Marcos Jr., kasama si First Lady Liza Araneta Marcos.

Nabatid na bandang alas-3:05 ng hapon nitong Lunes nang lumapag sa Noi Bai International Airport sa Hanoi ang sinasakyang eroplano ni PBBM.

Sasalang ang pangulo sa dalawang araw na state visit kung saan inaasahang makakapulong niya ang ilang Vietnamese officials.

Inaasahang tatalakayin sa mga pagpupulong ang usapin ng maritime, agrikultura, at food security.

Maliban dito, makikipagkita rin si Pangulong Marcos sa Filipino community sa naturang bansa. (Gilbert Perdez)