Pulis, 20 pa arestado sa indiscriminate firing

NASA 21 indibiduwal, kabilang ang isang pulis, tauhan ng Bureau of Corrections (BuCor) at security guard, ang inaresto ng Philippine National Police (PNP) dahil sa indiscriminate firing nitong holiday season.

Ani Brigadier General Jean Fajardo, PNP spokesperson, ngayong Miyerkoles, nasa impluwensiya ng alak ang isang pulis nang magpaputok ng baril sa lalawigan ng Rizal.

Naaresto naman ang security guard sa Calabarzon, habang sa Zamboanga Peninsula nadakip ang tauhan ng BuCor.

May 18 na sibilyan ang hinuli, pito sa kanila ang pinaghahanap pa.

Lima naman ang sugatan dahil sa insidente mula Disyembre 16 hanggang Disyembre 31, habang 17 baril ang nakumpiska.(Koi Laura)