SHAINA NAGBABU NA SA PINAS; MIKA BINIDA BAGONG CARLALU

Ni Beth Gelena

BUONG pagmamalaking ibinida ni Mika Salamanca ang isang milestone nang makabili siya ng bagong carlalu.

Ibinahagi ng big winner ng “PBB Celebrity Collab Edition” ang tagumpay sa online sa pamamagitan ng carousel na mga larawan na nagtatampok sa kanyang vision board kung saan mayroon ding sasakyan.

Ani Mika sa caption, “just checked this one straight off my 2025 vision board MEET THURSDAY”

Agad na nagkomento si Bianca de Vera, “congratulations! Love you na-inspire ako gumawa ng vision board”

Buong pagmamalaki na ipinakita ni Mika ang kanyang bagong biniling kotse sa social media.

Para sa marami, ang vision board ay hindi lamang isang personal na tool para kay Mika kundi isang mapagkukunan din ng inspirasyon.

Maging si Ivana Alawi ay nagkomento, “deserve mo yan!”

“Binabati kita, Mika! Ito ay napakagandang paalala na kapag nananatili kang mabait at may magandang layunin, nanalangin nang may pananampalataya, at nagsikap, tumutugon ang uniberso dahil pinararangalan ng Diyos ang matapang na panalangin at pagsusumikap.”

“Congrats mimasaurrrrr!! Dasuuuurb”

“Congrats mami! Deserve mo lahat yan!” “Iiyak ako huhu sobrang deserved mo yan”

“Sobrang proud sayouuuu!!”

Samantala, isa na ring author ng libro ang PBB winner ng Celebrity collaboration edition

Ini-launch ang kanyang libro na may pamagat na Lipad, isang children’s book na tila hango nung kanyang kabataan

***

NAKATUTUWA ang mag-asawang EA Guzman at Shaira Diaz, imagine sa pagmamahal nila sa kanilang fans ay ibinahagi nila sa socmed ang kanilang pagha-honeymoon sa Switzerland.

Natupad ng newly wed na sa Switzerland sila pupunta kapag ikinasal na para raw makita nila ang magagandang tanawin doon, ang isang destinasyong matagal na nilang hinahangaan online.

Ang honeymoon ang pinakabagong milestone para sa celebrity couple bilang mag-asawa, kasunod ng kanilang inaabangan na kasal at ang kanilang pampublikong pangako sa celibacy bago kasal.

Ang mag-asawa, na kilalang naghintay ng 12 taon bago magpakasal, ay nagbahagi ng mga larawan at isang video sa kani-kanilang mga social media account.

Patok na paksa ang destinasyon ng mag-asawa sa honeymoon bago pa man ang biyahe.

Nabanggit ni EA na kaya ang Switzerland ang napili nilang lugar para maghoneymoon ay dahil sa mga natural na tanawin ng bansa, kasama ang mga bundok at puno nito at akmang-akma rin dahil pagmamahal ni Shaira sa kalikasan.

Isang simpleng caption ang sinulat ni EA sa kanyang Instagram sa pinost niyang photo kung saan nasa airport na sila ni Shaira, “And so, the honeymoon begins.”

Ibinahagi rin ni Shaira ang katulad na larawan na may caption na, “Bye for now, Philippines.”

“Congratulations to both of you guys.”

‘Naniniwala ako na your love will last forever. I can see that EA truly love his wife.”

The couple’s journey from a long courtship to finally tying the knot has resonated with many people, who see them as an inspiration.