Sheryl Cruz Pararangalan Sa The 2nd Asia-Pacific Topnotch Men & Women Achievers Awards Bilang Asia-Pacific Best TV Actress Of The Year

By ROMMEL PLACENTE

SOBRANG busy sa kanyang showbiz career si Sheryl Cruz. Bukod pa sa sunod-sunod ang awards na natatanggap niya.

Katatapos niya lang gawin ang vertical drama na Second Chances, produced ng Maddox at Moonstone Productions under the direction of Direk Rommel Penesa.

Kasama niya rito sina DJ Durano, Jao Mapa, at Ynez Veneracion. Malapit na itong mapanood.

May natapos din siyang gawing pelikula titled“Kappa-tiran,” directed by Neal “Buboy” Tan for Mamay Productions.

Co-stars niya rito sina Ejay Falcon, Aljur Abrenica, Bembol Roco, Patricia Javier at Julio Diaz.

May mga TV guestings din si Sheryl. Nag-taping siya para sa dalawang show. Una ay sa game show ni Dingdong Dantes na Family Feud, at sa All-Out Sundays (AOS), na kumanta siya ng live ng mga OPM songs.

Samantala, noong May 31 ay tumanggap ng award si Sheryl sa Model Moms 2026.

At sa darating na June 27 ay muli siyang tatanggap ng award mula naman sa The 2nd Asia-Pacific Topnotch Men & Women Achievers Awards bilang Asia-Pacific Best TV Actress of the Year. Ang organizer ng nasabing award-giving body si Direk Romm Burlat.

Samantala, hindi lang artista at singer si Sheryl kundi isa na rin siyang businesswoman. May itinayo siyang business na tinawag niyang She & Ai Food Products.

Business partner niya rito ang best friend niyang si Ailene Rivera.

Ia-announce nila soon ang official launch date nito.

Napapanod pa rin ang award-winning actress sa musical-drama na Born To Shine,na gumaganap siya rito bilang si Giovanna ‘Vanna’ Grande, ang head coach at vocal coach ng boot camp.