Stephen Loman vs Lasha Abramishvili sa Setyembre 5

ANG pagbabalik ni Stephen “The Sniper” Loman.

Ang dating bantamweight champion ng BRAVE Combat Federation ay sisimulan na ang kanyang paglalakbay upang maibalik ang titulo nang harapin niya ang No.2-ranked contender na si Lasha Abramishvili sa BRAVE CF 108 sa Setyembre 5 sa Croatia.

Inaasahan na ang laban na ito ay magsilbing eliminator para sa titulo, kung saan ang mananalo ay magkakaroon ng pagkakataon na labanan ang kasalukuyang kampeon na si Borislav Nikoli?

“I’ve been waiting for this opportunity for a long time, and I’m grateful that my return is happening in BRAVE CF,” Wika ni Loman.

Pagkatapos ng kanyang pag-alis sa ONE Championship noong Disyembre 2025, si Loman, isa sa pinakamaraming parangal na mandirigma sa kasaysayan ng BRAVE CF, ay bumalik sa promosyong ito matapos ang ilang taon na pagkawala. Nakamit ng Filipino striker ang unang bantamweight title noong 2017 at naipagtanggol ito nang apat na beses sa loob ng 1,179 na araw.

“This organization gave me the platform to showcase my abilities to fans across the world and helped shape my career. Coming back here means everything to me, and this fight in Croatia is the first step toward reclaiming the BRAVE CF Bantamweight World Title.”

Nakatayo sa kanyang daraanan ang hindi pa natalong si Abramishvili, na may kahanga-hangang 4-0 na rekord sa ilalim ng BRAVE banner.

“A convincing win over him would show that I deserve to be the next man fighting for the BRAVE CF Bantamweight World Title.”