Bea Alonzo at Vincent Co natuloy na ang kasal noong Hulyo 13

Usap-usapan ngayon sa showbiz ang ibinahaging balita ng veteran entertainment host na si Ogie Diaz sa kanyang Facebook page na Ogie Diaz TV tungkol sa umano’y lihim na pagpapakasal ng Kapuso actress na si Bea Alonzo at negosyanteng si Vincent Co.

Ayon kay Ogie, naganap umano ang isang pribadong civil wedding ng dalawa noong Hulyo 13, bandang alas-7 ng gabi, sa Makati City Hall. Dagdag pa niya, ang may-ari umano ng Secosana Bags, na business partner ni Bea sa Bash Bags, ang nagsilbing witness sa seremonya.

Sinabi rin ni Ogie na nakumpirma umano niya ang balita matapos siyang padalhan ng isang source ng retrato mula sa kasal at kopya ng marriage certificate ng mag-asawa.

Matatandaang naging usap-usapan na rin noon ang nalalapit na kasal nina Bea at Vincent matapos lumabas noong Marso ang kanilang marriage banns. Naging kontrobersyal din ito matapos umugong ang mga usapin tungkol sa umano’y prenuptial agreement ng dalawa