Paslit, hinulog sa bangin ng 2 menor de-edad

SUGATAN ang isang batang lalaki nang ihulog sa bangin ng kanyang dalawang menor de-edad na kasama noong Linggo sa Sitio Sabunotan, Barangay Malaba, Marilog District, Davao.

Hindi pinangalanan ang biktima NA nasa 10-taon gulang, ng Sitio Sabunotan.

Ayon sa Sambunotan Youth Organization, nakita ng kanilang mga kasamahan ang pag-iyak ng bata na may mga sugat sa kilay at paa at agad dinala sa Marilog District Hospital.

Paliwanag ng bata, hindi ito ang unang beses na sinaktan siya ng dalawa, nangyari rin na nilunod siya sa ilog.

Iniimbestigahan na ng Marilog Police ang insidente.