Marbil kay puganteng Roque: “Alam mo ang tama at mali”

HINIMOK ni Philippine National Police (PNP) Chief, General Rommel Marbil, si dating Presidential Spokesperson Harry Roque na humarap sa imbestigasyon ng quad committee ng Kamara.

Sa isang panayam, natanong si Marbil kung nais niyang himukin si Roque na sumuko nalang upang hindi na masayang ang resources ng PNP.

It’s up to him. But alam niya naman po yung tama sa mali,” sabi ni Marbil. “Dapat magpakita po siya dito sa House of Representatives.,”

Kinumpirma ni Marbil na tumutulong ang PNP sa Kamara sa paghahanap kay Roque, na na-contempt noong nakaraang linggo matapos tumanggi magbigay ng kopya ng kanyang Statement of Assets, Liabilities and Networth, financial transactions, at tax records na nauna na niyang ipinangako na isusumite.

“We’re helping ano–all agencies po not only the PNP and the NBI (National Bureau of Investigation) and the BI (Bureau of Immigration) are helping po sa paghahanap po sa kanya,” sabi ni Marbil.