EX-DPWH SEC. BONOAN BINUKING ANG P24-B ‘LEADERSHIP FUND’ NG MGA SENADOR

SA kaniyang testimonya sa Sandiganbayan 3rd Division nitong Miyerkules, August 12, 2026, sinabi ni dating Department of Public Works and Highways (DPWH) Secretary Manuel Bonoan na si noo’y Senate President Migz Zubiri ang kausap nila para sa P24 billion na itinabing funds ng ahensiya para sa leadership fund ng mga senador noong 2024.

Ginawa nila ito dahil nakita nila noong 2023 kung paano nabawasan ang DPWH budget pagkatapos ng budget deliberation.

Ang kausap nila tungkol dito ay si Zubiri na siyang senate president noon. May discretion aniya si Zubiri sa allocation ng budget, pero ang minimum kada senador ay P500 million, at kung chair ng committee ay minimum P1 billion.

Lahat aniya ng senador ay nag-avail sa pondong ito, ayon kay Bonoan.

Si Bonoan ay isa sa state witnesses sa multi-billion peso flood control funds scandal.