Karnaper 10 taon nagtago, huli sa Maynila

ARESTADO ang isang lalaking wanted sa ‘carnapping’ matapos ang halos 10 taon pagtatago sa batas sa lungsod ng Maynila.
Taon 2011 pa lumabas ang warrant of arrest laban kay Christopher Pacamara, 47 anyos.
Ayon kay Police Capt. Philipp Ines, public information officer ng Sampaloc Police, kilala si Pacamara sa pagnanakaw ng sasakyan sa lungsod.
Nagpalipat-lipat ng tirahan si Pacarama para hindi mahuli hanggang sa makatanggap ang mga awtoridad ng impormasyon na umuwi ito sa Sampaloc.
Inabutan siya malapit sa PNR station sa España Boulevard.
(Jocelyn Domenden)