PDEA pinalalayas ng Taguig LGU sa kanilang gusali

SINUSPINDE ng Taguig City government ang suporta sa Philippine Drug Enforcement Agency (PDEA) at hiniling na ibalik sa kanila ang gusali na pinagamit sa ahensiya, matapos mahuli sa drug-buy bust operation ang opisyal at tatlong ahente nito sa PDEA southern district office.

Nitong December 6, nagsagawa ang mga operatiba ng National Capital Region Police Office (NCRPO) Regional Drug Enforcement Unit ng buy-bust sa PDEA South District Office sa kahabaan ng A. Bonifacio Street, Barangay Upper Bicutan, Taguig.

Nadakip sa operasyon sina Enrique Lucero, hepe ng PDEA Southern District Office; agents Anthony Vic Alabastro at Jaireh Llaguno; at driver Mark Warren Mallo.

Nasamsam sa operasyon ang tatlong sachet ng shabu, ang isang pakete ay may timbang na 100 grams worth P680,000, ang isang pa ay may 1,250 grams (P8.5 million) at isang .40-caliber pistol at digital weighing scale.

Sa kanilang statement na inilabas nitong Biyernes, sinabi ng Taguig City government na noong in 2018 ay ipinagamit nila sa PDEA ang kanilang gusali bilang suporta sa ahensita. Pero ngayong nabunyag na ginagamit ito sa illegal activities ay binabawi na nila ito at para magamit naman ng ibang departamento sa mga makabulugang programa.

“The criminal participation of drug enforcers in illicit drug activities, using facilities provided by the City, is repugnant and inexcusable. The involvement of PDEA officers in the criminal activities they are supposed to stop has forced the City to reconsider its decision,” diin ng Taguig LGU.