Presidente ng PISTON at KMU kulong sa robbery at direct assault

INARESTO ng mga operatiba ng Quezon City Police District (QCPD) ang opisyal ng PISTON Jeepney transport Group at Kilusang Mayo Uno (KMU) matapos humarap sa arraignment sa Quezon City Regional Trial Court (RTC) nitong Lunes ng umaga.

Ang mga dinakip ay sina KMU International Officer Kara Taggaoa, at PASODA-PISTON President Larry Valbuena sa bisa ng warrant of arrest sa mga kasong robbery at direct assault sa Branch 220 ng QC-RTC.

Pagkaaresto, binasahan sila ng arresting officer ng kaso at Miranda Rights.

Taon 2020 nangyari ang kaso, at ngayon lamang umusad.

Makakalaya pansamantala ang dalawa kung makapaglagak ng piyansa na tig-P36,000 sa kasong direct assault, hiwalay pa ito sa naunang kaso ng robbery na P100,000 kada tao ang piyansa.