Arjo kinabog si Dingdong na best actor sa ContentAsia Awards

Ni Archie Liao

WAGI si Arjo Atayde bilang best actor sa katatapos na ContentAsia 2024 na ginanap sa Taipei, Taiwan.

Nanalo siya sa kanyang makahulugang pagganap sa seryeng “Cattleya Killer.”

Kinabog niya ang Kapuso actor na si Dingdong Dantest na kapwa niya nominado sa nasabing kategorya para sa seryeng “Royal Blood” na walang naiuwing tropeo.

Ang iba pang nominado na tinalbugan ni Arjo ay ang Singaporean actor na si Tuen Wai Meng (“128 Circle” Season 3) na nakakuha na ng silver at Malaysian actor Tony Eusoff (“Chiron”) at Indian actor Gagan Dev Riar ( “Scam 2003: The Telgi Story”) na kapwa nakakopo ng bronze.

Tulad ni Dingdong, umuwi ring luhaan ang Indonesian actor na si Jefri Nichol (”Pertaruhan The Series 2”).

Sa kategoryang best actress, bigo namang maiuwi ni Kim Chiu ang tropeo para sa seryeng “Linlang.”

Tinanghal na best actress ang Hong Kong star na si Charmaine Sheh para sa TV series na ”The Queen Of News.”

Nag-uwi naman ng silver ang Chinese actress na si Lusi Zhao (“Gen Z”) samantalang nakakopo ng bronze ang Singaporean actress na si Chantalle Ng (“All That Glitters”).

Luhaan din si Kaila Estrada sa kategoryang best supporting actress in a TV programme/series na napanalunan ng Chinese actress na si Samantha Ko para sa ”The Queen of News”

Bukod kay Arjo, wagi rin ang youth-oriented show “Zoomers” bilang best Asian Short-form drama/series samantalang ang pelikulang “A Very Good Girl,” na pinagbidahan ni Kathryn Bernardo ay tinanghal na bronze awardee sa kategoryang Best Asian Feature Film/Telemovie Bronze Award.

Wagi rin ang dokumentaryong “Secret Slaves: A Jessica Soho Report on Human Trafficking” bilang Best Current Affairs Programme Made in Asia for Regional Asia and/or International Markets.

Ang MMFF entry last year na “Firefly” naman ang nanalo ng Silver Award para sa Best Asian Feature Film/Telemovie category.

Panalo rin ang noontime Sunday variety show na “All-Out Sundays” ng Bronze Award bilang Best Variety Programme.