Testimonya ni Acosta matibay na ebidensya ng maling paggamit ni VP Sara ng confi funds – Rep. Ridon

BINIGYANG-DIIN ni House prosecutor Terry Ridon na “smoking gun” ang testimonya ni dating Office of the Vice President Special Disbursing Officer Gina Acosta sa impeachment trial ni Vice President Sara Duterte.

Pahayag ni Ridon, “very much satisfied” ang prosecutors sa testimonya ni Acosta kahit ito ay ipinrisinta sa paglilitis bilang hostile witness.

Direkta kasi aniya nitong itinuro si Duterte na nag-utos kay Acosta na ibigay ang P125 million na confidential funds kay Col. Raymund Dante Lachica, na hindi organic OVP personnel.

Sa tingin ni Ridon, napakatibay na ebidensya ang mga pahayag ni Acosta, lalo na ang pagturo niya kay VP Sara na nag-utos sa kanya na ibigay ang P125 million na confidential funds kay Col. Raymund Dante Lachica.

Ang nabanggit na salapi ay winithdraw niya sa Landbank noong December 2022 at direktang ibinigay kay Lachica, na security officer ni VP Sara pero hindi organic personnel ng Office of the Vice President.