Filipinas lalabanan ang world No. 3 Sweden sa ‘unofficial’ friendly

MASUSUBUKAN ng Philippine women’s national football team ang kanilang angas kapag nakaharap ang isa sa pinakamahusay na team sa mundo bago ang FIFA Women’s World Cup sa Hulyo.

Inanunsyo ng Philippine Football Federation (PFF) Martes na ang Filipinas ay maglalaro ng “unofficial closed training match” kontra Sweden sa Hulyo 17 sa Wellington,New Zealand.

Ang Sweden ay kasalukuyang ranked third sa mundo ng FIFA, at tampok ang gaya nina Arsenal striker Stina Blackstenius at Barcelona forward Fridolina Rolfö, pati ang Bayern Munich defender Magdalena Eriksson.

“We thank our friends from the Swedish Football Association for working with us in making this match happen,” Wika ni PFF general secretary Atty Edwin Gastanes sa kanyang pahayag. “It’s a great opportunity for our Filipinas to test themselves against a world class team before the FIFA Women’s World Cup.”

Ang Filipinas, ranked 46th ng FIFA, ay kasalukuyang nagte-training sa Sydney, Australia para paghandaan ang kanilang kauna-unahang World Cup appearance.

Ang Pilipinas ay sa Group A kasama ang Switzerland,New Zealand,at Norway. Bubuksan ang kanilang kampanya laban sa Switzerland sa Hulyo 21.

Habang ang sweden ay sa Group B kabilang ang South Africa,Italy at Argentina.